Sogn Venanzi, marter. pdf: cheu l’entira historia Ils 18 da matg: Sogn Venanzi, marter Sogn Venanzi, naschius a Camerino ell‘Italia ei vegnius marteisaus cun 15 onns. Pertquei ch’el fuva in cristian …Daplü
Sogn Venanzi, marter.
pdf: cheu l’entira historia
Ils 18 da matg: Sogn Venanzi, marter
Sogn Venanzi, naschius a Camerino ell‘Italia ei vegnius marteisaus cun 15 onns. Pertquei ch’el fuva in cristian, era el vegnius tgisaus agl imperatur Decius, in sgarscheivel persequitader dils cristians. Cun gronda taffradad ha Venanzi suffriu tuts turments. Il castelan pagaun Antiochus veva cun empermischuns e cun smanatschas empruau da volver el tier la religiun pagauna. Mo il taffer schuldau da Cristus tema buca da confessar ch’el seigi in cristian e survient da Jesus Cristus. Perquei vegn el bastunaus grevamein e mess en cadeinas, pendius cul tgau engiu en in grond fem e barschaus cun tizuns da fiug. Cheu survegn el agid d‘in aunghel che liberescha el dallas cadeinas. Sogn Venanzi vegn puspei menaus avon il prefect e sfurzaus da snegar la cardientscha da Cristus ed adurar ils lur dieus. Els tat statteivels a Cristus e vegn sinquei mess en perschun ensemen cun in survient dil demuni che vess d’empruar da frar badunar el la cardientscha cristiana. Mo nies sogn ha beingleiti capiu la malezia da quei diabolic minister e scurlau quel giu da dies. Antiochus lai ussa sfraccar ora ils dents, rumper las missialas e fierer il maltractau sin in lidimer. Puspei spendra siu bien aunghel el. Venanzi va tiel prefect e duront ch’el plidava, ei lez curdaus ord siu sessel e morts cun grir: Gie, vers ei il Diu da Venanzi, spazzei nos dieus! Il criu prefect lai ussa fierer il sogn giuven avon ils liuns. Mo quels animals scarponts ein semess giu avon ses peis e fatg curtesia, duront ch’el perdegava e mussava la cardientscha da Jesus Cristus. Sin quei spitachel vegn el danovamein mess en perschun e l’auter di runaus entochen la sera, senza fin per spinas e carduns entuorn. Miez morts laian ins star el leu e l’auter di camonda il president da fierer el sur igl ault grep giu. Mo uarda, il sogn vegn puspei miraculusamein salvaus da siu aunghel. Danovamein runa la schuldada il sogn per crappa e spinas entuorn. Staunchels dil mudergiar e plein seit stevan els cheu senza da beiber. Sogn Venanzi plein malpuccau pils hentgers, semetta en schanuglias avon in crap, fa l’enzenna dalla sontga crusch e sin quei nescha ina fontauna ord il crap che la schuldada ha saviu dustar la seit. Las nodas dalla schanuglia ein restadas entochen ozildi veseivlas el grep. Tras quella miracla han biars cartiu en Jesus Cristus e tuts ein lu sin camond dil prefect vegni scavazzai ensemen cun sogn Venanzi gest en quei liug. Ladinamein ha ei entschiet a camegiar e stremblir la tiara ch’il president pren la fuigia. Mo suenter paucs dis eis el lu morts ina zun turpegiusa mort. Ils cartents han lu satrau ils sogns marters che ruaussan ussa a Camerino en la baselgia da sogn Venanzi.
pdf: cheu l’entira historia
Ils 18 da matg: Sogn Venanzi, marter
Sogn Venanzi, naschius a Camerino ell‘Italia ei vegnius marteisaus cun 15 onns. Pertquei ch’el fuva in cristian, era el vegnius tgisaus agl imperatur Decius, in sgarscheivel persequitader dils cristians. Cun gronda taffradad ha Venanzi suffriu tuts turments. Il castelan pagaun Antiochus veva cun empermischuns e cun smanatschas empruau da volver el tier la religiun pagauna. Mo il taffer schuldau da Cristus tema buca da confessar ch’el seigi in cristian e survient da Jesus Cristus. Perquei vegn el bastunaus grevamein e mess en cadeinas, pendius cul tgau engiu en in grond fem e barschaus cun tizuns da fiug. Cheu survegn el agid d‘in aunghel che liberescha el dallas cadeinas. Sogn Venanzi vegn puspei menaus avon il prefect e sfurzaus da snegar la cardientscha da Cristus ed adurar ils lur dieus. Els tat statteivels a Cristus e vegn sinquei mess en perschun ensemen cun in survient dil demuni che vess d’empruar da frar badunar el la cardientscha cristiana. Mo nies sogn ha beingleiti capiu la malezia da quei diabolic minister e scurlau quel giu da dies. Antiochus lai ussa sfraccar ora ils dents, rumper las missialas e fierer il maltractau sin in lidimer. Puspei spendra siu bien aunghel el. Venanzi va tiel prefect e duront ch’el plidava, ei lez curdaus ord siu sessel e morts cun grir: Gie, vers ei il Diu da Venanzi, spazzei nos dieus! Il criu prefect lai ussa fierer il sogn giuven avon ils liuns. Mo quels animals scarponts ein semess giu avon ses peis e fatg curtesia, duront ch’el perdegava e mussava la cardientscha da Jesus Cristus. Sin quei spitachel vegn el danovamein mess en perschun e l’auter di runaus entochen la sera, senza fin per spinas e carduns entuorn. Miez morts laian ins star el leu e l’auter di camonda il president da fierer el sur igl ault grep giu. Mo uarda, il sogn vegn puspei miraculusamein salvaus da siu aunghel. Danovamein runa la schuldada il sogn per crappa e spinas entuorn. Staunchels dil mudergiar e plein seit stevan els cheu senza da beiber. Sogn Venanzi plein malpuccau pils hentgers, semetta en schanuglias avon in crap, fa l’enzenna dalla sontga crusch e sin quei nescha ina fontauna ord il crap che la schuldada ha saviu dustar la seit. Las nodas dalla schanuglia ein restadas entochen ozildi veseivlas el grep. Tras quella miracla han biars cartiu en Jesus Cristus e tuts ein lu sin camond dil prefect vegni scavazzai ensemen cun sogn Venanzi gest en quei liug. Ladinamein ha ei entschiet a camegiar e stremblir la tiara ch’il president pren la fuigia. Mo suenter paucs dis eis el lu morts ina zun turpegiusa mort. Ils cartents han lu satrau ils sogns marters che ruaussan ussa a Camerino en la baselgia da sogn Venanzi.