Gie Virgina, Victor Durschei da Mustér che ha vargau ses 90, astgan ins veramein ludar ed engraziar per tut sias bialas poesias.
In um che ha adina giu in vast horizont

Empau dapli

Empau dapli buontad,
empau dameins squidonza,
empau dapli verdad,
empau dapli fidonza
empau dapli legria,
empau dameins dispeta,
tgirar la harmonia,
dess tegn a nossa veta!

Empau dameins sesez,
empau dapli carstgaun,
pitgar agl agen pèz,
al pauper dar il maun!

Empau dapli carezia,
empau dameins ventrun,
empau dapli clarezia,
empau dameins patrun!

Dar als vivents las flurs,
pertgei als morts sils urs
han ellas pauc valeta,
ei fan leu mo pareta!-

V.D.