Il cor matern dad ina mumma.

Eis ella era pintga da postura,
denton gronds siu cor e maun,
in bi maletg dad ina mumma ,
in schi car e bien carstgaun.

Ein ils mauns plein schluppadiras
cheu tarlischa bein in ani,
ein era grondas las pitgiras,
mo quel tarlischa pli e pli.

En siu cor tuts che anflan
plaz avunda mintgadi,
e ses mauns bugen regalan
paun gustus al grond rudi.

Vegn lu il di dalla partenza ,
vegn ella tuts a benedir,
ventireivla e cuntenza
a casa tier siu Diu vul ella ir.